ខ្សែប្រយុទ្ធ Kylian Mbappe បានប្រាប់ទៅថ្នាក់ដឹកនាំក្រុម PSG ថារូបគេចង់ចាកចេញពីក្រុមនៅចប់រដូវកាលនេះហើយ។
ខ្សែប្រយុទ្ធបារាំងខាងលើនេះ កំពុងនៅដោយឡែកដើម្បីព្យាបាលមេរោគ Covid-19 ដែលរូបគេទើបតែរកឃើញថាមានផ្ទុកមេរោគ ពេលលេងឱ្យជម្រើសជាតិបារាំង។ អវត្តមានកីឡាករវ័យក្មេងខាងលើនេះ បានធ្វើឱ្យ PSG ចាញ់២ប្រកួតជាប់គ្នាហើយនៅក្នុងលីគ ហើយប្រកួតចុងក្រោយនេះ មានកាតក្រហមដល់ទៅ៥នាក់ឯណោះ។
អំឡុងពេលក្រុមកំពុងយ៉ាប់នេះផង Mbappe បែរជាធ្លាយដំណឹងថាចង់ចាកចេញពីក្រុមទៅហើយ ដើម្បីស្វែងរកក្លឹបថ្មីលេង។ ការចង់ចាកចេញនេះ គឺនៅពេលចប់រដូវកាលនេះ នៅពេលដែលកុងត្រារបស់គេនៅសល់ត្រឹមតែ១ឆ្នាំទៀតប៉ុណ្ណោះ។ ក្រុម Real Madrid ជាក្រុមដែលទាក់ទងចង់បានអតីតកីឡាករ Monaco នេះជាងគេ៕ប្រភព Marca