ខ្សែប្រយុទ្ធ Neymar ទទួលបានកាតក្រហមកាលពីយប់មិញ ក្រោយពីរូបគេបានរុញក្បាលរបស់កីឡាករ Gonzalez នៅចុងម៉ោង ក្រោយពីក្រុមទាំងពីរប៉ះទង្គិចគ្នា។
សម្រាប់ការប្រកួត PSG ទល់ក្រុម Marseille នៅយប់មិញនេះ មានកីឡាករកាតក្រហមដល់ទៅ៥នាក់ឯណោះនៅចុងម៉ោង ក្រោយពីមានការប៉ះទង្គិចគ្នាយ៉ាងច្រើន។ ដោយក្នុងនោះដែរ Neymar កីឡាករទទួលបានកាតក្រហមម្នាក់ឯណោះ បានអះអាងថាកីឡាករក្រុម Marseille បានប្រើពាក្យសម្ដីមើលងាយ រើសអើងពូជសាសន៍ដាក់ខ្លួន និងមិត្តរួមក្រុមមុន។
Neymar បាននិយាយថា៖ “គាត់និយាយមើលងាយខ្ញុំ។ នេះជាហេតុផលដែលខ្ញុំវាយគាត់។ ខ្ញុំសោកស្ដាយតែរឿងមួយទេ គឺខ្ញុំមិនបានវាយគាត់ឱ្យខ្លាំងជាងនេះ។ ខ្ញុំទទួលបានកាតលឿងទី២ និងបណ្ដេញ ប៉ុន្តែខាងក្រុមគេវិញមិនមានបានអ្វីសោះ។ ខ្ញុំកំពុងឆ្ងល់ថា VAR កំពុងគិតអី”៕ប្រភព Marca
