ក្រុម Spurs បានបរាជ័យក្រោមថ្វីជើងក្រុម Everton ក្នុងលទ្ធផល ១-០ កាលពីយប់មិញនេះ ក្នុងការប្រកួតបើកឆាក Premier League ។ក្រុម Spurs បើកឆាកនៅយប់មិញនេះ លេងមិនបានល្អឡើយ ខណៈដែលក្រុម Everton ពោរពេញដោយទំនុកចិត្ត និងមានឱកាសច្រើនមែនទែន។ សម្រាប់លទ្ធផលចាញ់ប្រកួតបើកឆាកនេះដែរ លោក Jose Mourinho អ្នកចាត់ការក្រុម Spurs បាននិយាយថាកូនក្រុមរបស់លោកហាក់ដូចជាមិនចង់លេងនោះទេ។ ការប្រជែងបាល់ និងគ្រប់បាល់ គឺខ្ជិលៗ ដែលនេះជាឱកាសល្អដល់ Everton លេងគ្របលើខ្លួន។
Jose Mourinho បានបន្ថែមថា៖ “ការរៀបចំក្រុម ការប្រកួតមិត្តភាព សុទ្ធតែអាក្រក់ទាំងអស់។ កីឡាករមួយចំនួនមិនទាន់ទាំងបានហ្វឹកហាត់ពេញលេញផង។ ខ្ញុំមិនចូលចិត្តក្រុមរបស់ខ្ញុំនៅថ្ងៃនេះទេ ពួកគេហាក់ដូចជាមិនទាន់យល់ចិត្តគ្នា និងឆាប់អស់កម្លាំងណាស់។ Kane ទើបហាត់ជាមួយយើងបានម្ដង Sissoko ទើបបាន២ដង។ ពួកគេមិនទាន់បានហាត់ជុំគ្នាល្អនោះទេ”៕