លោក Simeone អ្នកចាត់ការក្រុម Atletico Madrid ត្រូវបានរកឃើញថាឆ្លងមេរោគ Covid-19 ទៅហើយ បន្ទាប់ពីធ្វើការហ្វឹកហាត់ជាមួយក្រុមត្រៀមរដូវកាលថ្មី។ក្រុម AT Madrid បានទៅធ្វើការហ្វឹកហាត់នៅ Los Angeles មុនត្រលប់មកវិញយ៉ាងលឿន ដោយសារតែរកឃើញថាមានបុគ្គលិកឆ្លងមេរោគ Covid-19 ។ ដោយឡែកក្រោយពីហ្វឹកហាត់នៅអេស្ប៉ាញមួយរយៈពេល ស្រាប់តែគេរកឃើញថាអ្នកចាត់ការ Simeone ក៏បានឆ្លងមេរោគដែរ ប៉ុន្តែមិនមានរោគសញ្ញាអ្វីនោះទេ។ លោកនឹងត្រូវដាក់នៅដោយឡែក ដើម្បីព្យាបាលសិន។
រំលឹកថាក្រុម AT Madrid នឹងមិនមានប្រកួតទេ រហូតដល់សប្ដាហ៍ទី៣នៃលីគកំពូលអេស្ប៉ាញឯណោះ ទើបពួកគេចាប់ផ្ដើមប្រកួត។ ដូច្នេះមានន័យថាពួកគេនៅសល់ពេល២សប្ដាហ៍ទៀតដែរ ដើម្បីត្រៀមខ្លួន៕
ប្រភព៖ Marca