តាមការបញ្ជាក់ពីអនុប្រធានក្លឹប Barcelona គឺលោក Pau Vilanova បង្ហើបថា ម្ចាស់ដី Camp Nou ពិតជាបានយកការចង់ចាកចេញរបស់ Lionel Messi មកគិតគូរ ហើយសម្រេចរៀបចំនិងចាប់ផ្តើមផែនការណ៍ថ្មីដ៏គួរឲ្យចាប់អារម្មណ៍មួយ។
Messi បានរំអុកក្លឹបចង់ចាកចេញនៅរដូវក្តៅ ហើយទើបតែដោះស្រាយចប់រួចរាល់កាលពីប៉ុន្មានសប្តាហ៍មុន ក្រោយឪពុករបស់លោកហោះមកចរចាជាមួយប្រធានក្លឹបផ្ទាល់ដល់ទឹកដីអេស្ប៉ាញ។
ពាក់ព័ន្ធនឹងរឿងរ៉ាវនេះ អនុប្រធានក្លឹបលោក Vilanova ក៏បាននិយាយកាលពីថ្ងៃសុក្រថា៖ “យើងពិតជារីករាយដែល Messi បន្តនៅជាមួយយើង ហើយចូលរួមជាមួយគម្រោងការដ៏គួរឲ្យចាប់អារម្មណ៍”។
លោកបន្ថែម៖ “អ្នកចាំបាច់ត្រូវយកពាក្យដែលគាត់និយាយមកគិត ហើយហេតុផលហ្នឹងទើបធ្វើឲ្យយើងចាប់ផ្តើមសារឡើងវិញញ និងចាប់ផ្តើមគម្រោងការថ្មី”៕ ប្រភព៖ BeSoccer