ក្លឹប Atletico Madrid បានដកខ្លួនពីការចង់បាន Luis Suarez នៅទីផ្សារដោះដូររដូវក្តៅនេះហើយ បន្ទាប់ពីការចរចាលើថ្លៃពលកម្មកីឡាករ មិនអាចសម្រេចទៅបាន។ នេះបើតាមរបាយការណ៍ Mundo Deportivo បានចុះផ្សាយ។
ប្រភពបានឲ្យដឹងថា នៅ Barcelona កីឡាករអ៊ុយរុយហ្គាយរកបាន ២០ លានអឺរ៉ូឯណោះ ក្នុងមួយឆ្នាំ ហើយទំហំប្រាក់ប៉ុណ្ណេះវាពិតជាធ្វើឲ្យប៉ះពាល់ដល់ផ្នែកហិរញ្ញវត្ថុរបស់ក្លឹប Atletico ជាក់ជាមិនខាន។
ប៉ុន្តែប្រសិនណា At ពិតជាចង់បាន Suarez ខ្លាំងមែននោះ លុះត្រាតែក្លឹបលក់ចេញកីឡាករខ្លះសិន ដើម្បីសម្រាលបន្ទុកចំណាយតួយ៉ាងដូចជា Diego Costa ដែលត្រូវជាន់ Role នៅតំបន់ប្រយុទ្ធកណ្តាលស្រាប់។
គួរបញ្ជាក់ថា Suarez នៅរដូវកាល ២០១៩/២០ រកបាន ២១ គ្រាប់និង Assist ១២ លើកនៅ ៣៦ ប្រកួត ប៉ុន្តែរដូវកាលថ្មីគេទំនងជាមិនស្ថិតក្នុងផែនការណ៍ដឹកនាំរបស់លោក Ronald Koeman ដែលជាគ្រូថ្មីឡើយ៕ ប្រភព៖ BeSoccer