ជុំទី ១ នៅក្របខ័ណ្ឌ Premier League ប្រចាំរដូវកាល ២០២០/២១ នឹងចាប់ផ្តើមពីយប់នេះតទៅហើយ ដោយក្នុងចំណោមនោះមានគូពិសេសមួយត្រូវប៉ះគ្នា នោះការតតាំងរវាងក្រុមឈ្នះជើងឯក PL រដូវកាលចាស់ Liverpool និងក្រុមឈ្នះជើងឯកលីគលំដាប់ ២ អង់គ្លេសទើប Promote ឡើងគឺ Leeds United។
សម្រាប់ជំនួបដែលមានផ្សាយផ្ទាល់លើទំព័រ CTS Sports នេះ គឺជាការប៉ះគ្នាលើកទី ១១៨ ហើយ តែបើយើងរាប់ត្រឹម ៨ ប្រកួតចុងក្រោយតាំងពីឆ្នាំ ២០០១ គឺ Liverpool មិនដែលរងបរាជ័យនោះឡើយ ពោលឈ្នះ ៦ ស្មើ ១ (ចាញ់លើកចុងក្រោយបង្អស់នៅខែមេសា ឆ្នាំ ២០០១ លទ្ធផល ១-២)។
អ្វីដែលកាន់តែធ្វើឲ្យអ្នកគាំទ្រមានទំនុកចិត្តបន្ថែមទៀតនោះ គឺសម្រាប់ក្រុមដែលឈ្នះ Championship និងទើប Promote ឡើងថ្មីថ្មោង មិនដែលបានឈ្នះនៅជុំដំបូងក្របខ័ណ្ឌ PL សោះឡើយ រាប់តាំងពីជំនួប Sunderland ប៉ះ Spurs រដូវកាល ២០០៧/០៨ រៀងមក។ ទាំង ១២ ក្រុមរយៈពេល ១២ ឆ្នាំចុងក្រោយនេះ ស្មើ ៣ ចាញ់ ៩ រាប់ទាំងជំនួបកាលប៉ះគ្នារបស់ Norwich ទល់ Liverpool នៅ Anfield រដូវកាលចាស់ ១-៤ ផងដែរ៕