Carlo Ancelotti អ្នកចាត់ការក្រុម Everton បានអះអាងថារដូវកាលនេះ ក្រុមរបស់លោកត្រូវការចូលតំបន់ Top4 ព្រោះចំណាយប្រាក់អស់ច្រើនក្នុងការទិញដូរកីឡាករ។ការប្រកួត Premier League នឹងបើកដំណើរការឡើងវិញចាប់ពីថ្ងៃនេះទៅហើយ។ ដោយឡែកសម្រាប់រដូវកាលនេះវិញ គេសង្កេតឃើញថាដោយសារវិបត្តិសេដ្ឋកិច្ច Covid-19 បានធ្វើឱ្យក្លឹបមួយចំនួនមិនបានទិញកីឡាករថ្មីចូលទេ ខណៈដែលមួយចំនួនទៀតនៅតែបន្ដចំណាយប្រាក់លើការនាំចំណូលកីឡាករថ្មីបានដដែល។
ជាក់ស្ដែងក្រុម Everton បានចំណាយប្រាក់អស់៦០លានផោនផងដែរ គិតត្រឹមពេលនេះលើកីឡាករថ្មី។ ការចំណាយប្រាក់ច្រើននេះដែរ លោក Carlo Anceolotti ដឹងខ្លួនថាលោកត្រូវដឹកនាំក្រុមចូល Top4 ឱ្យបាន។ នេះជាគោលដៅរបស់ក្រុមរដូវកាលថ្មីនេះ ព្រោះការចំណាយលើកីឡាករថ្មីច្រើនដែរ៕