លោក Ronald Koeman បានបង្ហាញទំនុកចិត្តថាខ្សែប្រយុទ្ធ Lionel Messi នឹងបង្ហាញទម្រង់លេងល្អបំផុតរបស់ខ្លួនឡើងវិញនារដូវកាលនេះ ដើម្បីជួយក្រុម FC Barcelona ។បន្ទាប់ពីមានរឿងចម្រូងចម្រាសជាច្រើនមក ពេលនេះ Messi បានចូលហ្វឹកហាត់ជាមួយក្រុមជាធម្មតាវិញហើយ។ ដោយរូបគេក៏ចេញមុខមកបញ្ជាក់ថានឹងប្រឹងប្រែងឱ្យល្អបំផុតឡើងវិញផងដែរ ដើម្បីជួយក្រុមឈ្នះពាននារដូវកាលនេះ។
ជាមួយការបង្ហាញទំនុកចិត្តនេះ លោក Koeman ក៏ចេញមុខអះអាងដែរថា៖ “ការហាត់បានបង្ហាញពីភាពវិជ្ជមាន។ យើងត្រូវការធ្វើការជាមួយគ្នា២សប្ដាហ៍មុនចូលលីគ ហើយកីឡាករទាំងអស់កំពុងធ្វើបានល្អ។ Messi គឺជាកីឡាករល្អបំផុត។ ខ្ញុំសង្ឃឹមថាគាត់នឹងបង្ហាញវាម្ដងទៀតនារដូវកាលនេះ”៕