• ខ្សែ​ប្រយុទ្ធ Son ​ត្រូវ​ធ្វើ​រឿង​នេះ ​ប្រសិន​បើ​មិន​ចង់​ចូល​បម្រើ​ទ័ព​ទេ​នោះ

    Son Heung-min ​នឹង​ត្រូវ​អវត្តមាន​ឱ្យ​ក្រុម Spurs ​៣​ប្រកួត ដើម្បី​ទៅ​លេង​ពាន​រង្វាន់ Asian Cup ​ឱ្យ​ប្រទេស​កូរ៉េ​ខាង​ត្បូង​នៅ​ឥណ្ឌូណេស៊ី ហើយ​ប្រសិន​បើ​គេ​ទទួល​បាន​ជ័យជម្នះ ​នោះ​នឹង​មិន​បាច់​ចូល​បម្រើ​ទ័ព​ទេ។

    ច្បាប់​នៅ​ប្រទេស​កូរ៉េ​ខាង​ត្បូង​បាន​ចែង​ថា ​បុរស​ទាំង​អស់​ក្រោម​អាយុ​២៨​ឆ្នាំ​ត្រូវ​ចូល​បម្រើ​ទ័ព​ឱ្យ​បាន​ម្ដង​សិន ​ប៉ុន្តែ​មាន​លក្ខខណ្ឌ​១​ដែរ​គឺ​ប្រសិន​បុរស​ម្នាក់​ណា​បាន​កសាង​កិត្តិយស​ឱ្យ​ជាតិ ​នោះ​ពួកគេ​នឹង​មិន​បាច់​ចូល​បម្រើ​ទ័ព​ឡើយ។ ដូច្នេះ​ហើយ Son ​ត្រូវ​តែ​ជួយ​ក្រុម​កូរ៉េ​ខាង​ត្បូង​ឱ្យ​ជោគជ័យ​នៅ​ពាន​រង្វាន់ Asian Cup ​នេះ ទើប​រូបគេ​គេច​ផុត​ពី​ការ​ចូល​បម្រើ​ទ័ព។

    ខ្សែ​ប្រយុទ្ធ​រូប​នេះ​បាន​ស្នើ​សុំ​ទៅ​ខាង​ក្លឹប Spurs ​រួច​ហើយ ​ខណៈ​ដែល​ក្លឹប​ផ្ទាល់​ក៏​បាន​អនុញ្ញាត​ឱ្យ​រូបគេ​ទៅ​ដែរ។ ដូច្នេះ​មាន​ន័យ​ថា Son ​នឹង​មាន​វត្តមាន​ថ្ងៃ​បើក​ឆាក Premier League ​ជាមួយ​ Spurs ​លេង​ទល់​ក្រុម Newcastle  United ​ក្រោយ​មក​ទៀត​រូបគេ​នឹង​ហោះ​ទៅ​ឥណ្ឌូណេស៊ី ​ដើម្បី​លេង​ឱ្យ​ជម្រើស​ជាតិ​របស់​ខ្លួន​។ ការ​អវត្តមាន​របស់ Son ​នៅ​ក្លឹប Spurs ​អាច​នឹង​មាន​ពេល​៣​សប្ដាហ៍៕ប្រភព៖ DailyMail

     

     

     

     

     

    ភ្ជាប់ទំនាក់ទំនងជាមួយ CTS SPORT