ខ្សែប្រយុទ្ធ Gonzalo Higuain បានធ្វើដំណើរទៅអាមេរិកហើយ ដើម្បីពិនិត្យសុខភាព និងបំពេញលក្ខខណ្ឌចូលរួមជាមួយក្រុម Inter Miami ។
កីឡាករវ័យ៣២ឆ្នាំដែលចូលរួមជាមួយក្រុម Juventus តាំងពីឆ្នាំ២០១៦មក ត្រូវបានក្លឹបឱ្យចាកចេញហើយ បន្ទាប់ពីរូបគេមិនស្ថិតក្នុងគម្រោងប្រើប្រាស់រដូវកាលនេះ។ មានក្លឹបជាច្រើនចង់បានរូបគេទៅលេងឱ្យដែរ ប៉ុន្តែក្លឹបនៅអាមេរិក Inter Miami ហាក់ដូចជាមានប្រៀបជាងគេ។ ដោយបច្ចុប្បន្ននេះ កីឡាករអាហ្សង់ទីនបានសម្រេចចិត្តទៅលេងនៅទីនោះហើយ។
Higuain លេងឱ្យក្រុម Juventus បាន១៤៩ប្រកួត រកបាន៦៦គ្រាប់ និងបញ្ជូនបាល់ឱ្យមិត្តរូមក្រុមបាន១៦គ្រាប់។ ក្រោមការដឹកនាំរបស់លោក Pirlo រូបគេមិនស្ថិតក្នុងគម្រោងប្រើប្រាស់រដូវកាលថ្មីនោះទេ ទើបបានជាសម្រេចចិត្តចាកចេញ៕ប្រភព៖ MARCA