Rodrygo Goes ដែលផ្ទេរមកចូលរួមជាមួយ Real Madrid នៅទីផ្សារដោះដូររដូវក្តៅកន្លងទៅ បានឆ្លងផុតរដូវកាលទីមួយរបស់ខ្លួនហើយ ជាមួយការឈ្នះពានរង្វាន់ធំ ២ ជាមួយក្លឹបមានដូចជា LaLiga និង Supercopa de Espana។
ពាក់ព័ន្ធនឹងការបញ្ចប់រដូវកាលដំបូង កីឡាករវ័យ ១៩ ឆ្នាំនិយាយថា៖ “វាពិតជារដូវកាលដំបូងដ៏ល្អបំផុតមួយនៅ Real Madrid តែខ្ញុំចង់ធ្វើឲ្យបានល្អជាងនេះ ដោយខ្ញុំចង់ប្រជែងឈ្នះពាន ការរកបានគ្រាប់បាល់ និង Assist បន្ថែមទៀត ហើយអ្វីដែលពិសេសនោះគឺការមានឱកាសលេងឲ្យជម្រើសជាតិប្រេស៊ីលផងដែរ ដែលវាជាភារកិច្ចចម្បងមួយខ្ញុំដាក់គោលដៅសម្រាប់ឆ្នាំ ២០២១”។
បញ្ជាក់ថា Rodrygo បានបង្ហាញខ្លួនឲ្យក្រុមសាំបាប្រេស៊ីលលើកដំបូង នៅខែវិច្ឆិកា ឆ្នាំ ២០១៩ ដោយចូលរួមលេងបាន ៣១ នាទីលើទីលាន កំឡុងប្រកួតមិត្តភាពពេលប៉ះអាហ្សង់ទីន និងកូរ៉េខាងត្បូង។
ជាមួយ Real Madrid រដូវកាល ០២១៩/២០ គេបង្ហាញខ្លួនបាន ២៩ ប្រកួត រកបាន ៩ គ្រាប់និង Assist ៣ លើក៕ ប្រភព៖ Marca