ក្រុមបិសាចក្រហម Manchester United ចាប់ផ្ដើមដេញថ្លៃយកខ្សែបម្រើប្រយុទ្ធ Sancho ម្ដងទៀតហើយ បន្ទាប់ពីពួកគេខកខ្លួនថយបន្តិចកាលពីប៉ុន្មានសប្ដាហ៍មុន។
បិសាចក្រហម បានបង្ហាញជំហររបស់ខ្លួនក្នុងការចរចាយកកីឡាករអង់គ្លេសខាងលើនេះមករួមក្រុម។ ដោយពួកគេនឹងផ្ដល់កុងត្រាដល់ឆ្នាំ២០២៥ អមជាមួយទឹកប្រាក់ផ្ដាច់កុងត្រា១០៨លានផោនទៀតឱ្យទៅក្រុម Dortmund ។ គេជឿជាក់ថាលើកនេះ ក្រុមរបស់លោក Ole នឹងសម្រេចបំណងរបស់ខ្លួនមិនខាន ប្រសិនបើមិនមានការដកថយទៀតទេនោះ។
Sancho អតីតកីឡាករ Man City បានផ្លាស់ទៅលេងនៅក្រុម Dortmund ហើយក៏បានអភិវឌ្ឍសមត្ថភាពរបស់ខ្លួនឡើងលឿនខ្លាំងមែនទែន។ តម្លៃខ្លួនរបស់គេកើនឡើងជាលំដាប់ រហូតដល់បច្ចុប្បន្ននេះជាង១០០លានផោនទៅហើយ។ មានតែ Man Utd មួយប៉ុណ្ណោះ ដែលបង្ហាញចំណាប់អារម្មណ៍លើរូបគេជាងគេ៕ប្រភព Dailymail
