Achraf Hakimi បានសម្រេចការផ្ទេរមកចូលរួមនៅក្លឹប Inter Milan ជាមួយតម្លៃខ្លួន ៤០ លានអឺរ៉ូ កាលពីថ្ងៃទី ១ កញ្ញា ឆ្នាំ ២០២០ ក្រោយចាយពេលច្រើនជាង ៤ ឆ្នាំនៅក្លឹប Real Madrid។
ខ្សែបម្រើស្លាបស្លាបរូបនេះ ជាប់កុងត្រារយៈពេល ៥ ឆ្នាំជាមួយនឹងក្លឹបថ្មី ហើយតាមការបញ្ជាក់នាពេលកន្លងទៅ Hakimi ថា ដោយសារវត្តមានរបស់លោក Antonio Conte ទើបជំរុញឲ្យខ្លួនយល់ព្រមការផ្ទេរមកក្លឹបអ៊ីតាលី។
បុរសវ័យ ២១ ឆ្នាំនិយាយ៖ “ខ្ញុំជ្រើសយក Inter ព្រោះខ្ញុំគិតថា ទម្រង់ការដឹកនាំរបស់អ្នកចាត់ការគឺសក្តិសមនឹងការលេងរបស់ខ្ញុំ ហើយខ្ញុំពិតជាអាចជួយក្រុមមួយនេះបាន ដោយយើងមានគោលដៅចង់ប្រជែងឈ្នះពាន Serie A”។
កីឡាករសញ្ជាតិម៉ារុកបន្ថែម៖ “Conte ជាអ្នកចាត់ការដ៏ល្អមួយ អមដោយឆន្ទៈប្រកួតប្រជែងខ្ពស់បំផុត ហើយការបំផុសទឹកចិត្តរបស់គាត់គឺធ្វើឲ្យក្រុមពុះកញ្ជ្រោលក្រប់ការប្រកួតទាំងអស់”៕
ប្រភព៖ Sportskeeda