Eduardo Camavinga បានចូលលេងនៅតង់ទីពីរ ជំនួស N’Golo Kante ក្នុងជំនួបកាលប៉ះក្រូអាត នៅ UEFA Nations League ថ្ងៃអង្គារ ហើយការបង្ហាញខ្លួនលើកនេះជាកំណត់ត្រាមួយដែលខកខានកើតមានរយៈពេល ១០៦ ឆ្នាំមកហើយ។
នៅថ្ងៃទី ៨ កញ្ញា ឆ្នាំ ២០២០ ការបង្ហាញខ្លួនរបស់ខ្សែបម្រើប្រយុទ្ធខាងលើ រុញឲ្យគេឈរនៅលេខ ៣ នាមកីឡាករវ័យក្មេងបំផុត មានអាយុ ១៧ ឆ្នាំ ០៩ ខែ និង ២៩ ថ្ងៃ។ ចាញ់ជើងចាស់ ២ រូបមានលោក Charles Wilkes នៅឆ្នាំ ១៩០៥ កាលនោះមានអាយុ ១៧ ឆ្នាំ ០៨ ខែ និង ១០ ថ្ងៃ ហើយលោក Maurice Gastiger ឆ្នាំ ១៩១៤ មានអាយុ ១៧ ឆ្នាំ ០៤ ខែ និង ០៥ ថ្ងៃ។
បញ្ជាក់ថា Camavinga ជាកីឡាកររបស់ក្លឹប Rennes ដែលទើបបានឡើងមកលេងនៅឈុតធំកាលពីឆ្នាំ ២០១៩។ ពេលចុងក្រោយនេះក៏ល្ហៀងៗថាមានក្លឹបជាច្រើនចង់បានរូបគេ តែមេធំក្លឹបបារាំងហាក់មិនបើកផ្លូវឲ្យគេចាកចេញទាល់តែសោះ៕ ប្រភព៖ TransferMarkt