ក្រុម AT Madrid បានសម្រេចចិត្តទិញយកកីឡាករ Yannick Carrasco ពីក្រុម Dalian Professional FC ត្រលប់មកវិញជាផ្លូវការហើយ ក្នុងកុងត្រាដល់ទៅ៤ឆ្នាំឯណោះ។
ក្រុមរបស់លោក Simeone បានលក់ខ្សែបម្រើខាងលើនេះទៅឱ្យក្លឹបចិន មុនពេលខ្ចីជើងមកវិញនៅរដូវកាលមុន។ ដោយមើលឃើញថាលេងល្អ ពួកគេក៏សម្រេចចិត្តទិញយកដាច់មកវិញតែម្ដងនារដូវកាលនេះ ដោយមានកុងត្រារយៈពេល៤ឆ្នាំ។ រូបគេនឹងក្លាយជាកម្លាំងដ៏សំខាន់សម្រាប់ក្រុមនារដូវកាលខាងមុខនេះ ។
ក្រុម AT Madrid សម្រាប់រដូវកាលនេះ ទំនងជាមិនចំណាយប្រាក់ច្រើនសម្រាប់ទិញកីឡាករនោះទេ។ ពួកគេនឹងកោះហៅកីឡាករដែលដាក់ឱ្យគេខ្ចីជើងមកវិញ ដូចគ្នានឹងក្រុម Real Madrid ដែរ។ ការមិនចំណាយច្រើន ដោយសារតែក្លឹបរងផលប៉ះពាល់ខ្លាំងដោយសារតែមេរោគ Covid-19 ៕ប្រភព Marca