ខ្សែបម្រើ Kevin De Bruyne បានឈ្នះពានរង្វាន់ឆ្នើមបំផុតនៅអង់គ្លេសរដូវកាលមុន បន្ទាប់ពីរូបគេបង្ហាញសមត្ថភាពយ៉ាងល្អក្នុងការប្រកួតពេញមួយរដូវកាល។
Bruyne ជាកីឡាករមិនអាចខ្វះបានម្នាក់របស់លោក Pep នៅក្រុម Manchester City ប៉ុន្មានរដូវកាលមកនេះ។ រដូវកាលមុន រូបគេរកបាន១០គ្រាប់ និងបញ្ជូនបាល់ឱ្យមិត្តរួមក្រុមបាន២០គ្រាប់។ ការបង្ហាញទម្រង់លេងយ៉ាងល្អនេះហើយ ទើបបានជាខ្សែបម្រើបែលហ្សិករូបនេះឈ្នះពានរង្វាន់កីឡាករឆ្នើមបំផុតប្រចាំរដូវកាលនៅអង់គ្លេស។
Bruyne បានយកឈ្នះដៃគូប្រជែង Mane និង Van Dijk ដែលកីឡាករ២នាក់នេះក៏លេងល្អដែរ និងជួយក្រុម Liverpool ឈ្នះពានរង្វាន់ Premier League ជាលើកដំបូងឡើងវិញ ក្នុងរយៈពេល៣០ឆ្នាំចុងក្រោយនេះផងដែរ៕ប្រភព Dailymail