ក្រុមបាល់ទាត់ជម្រើសជាតិបែលហ្សិក នឹងប៉ះក្រុមអ៊ីស្លង់ នៅម៉ោង១:៤៥នាទីយប់នេះ ក្នុងការប្រកួតពានរង្វាន់ UEFA Nations League ។
សម្រាប់ការប្រកួតនេះដែរ Eden Hazard ត្រូវបានក្រុមបែលហ្សិកកោះហៅ ប៉ុន្តែមិនទាន់ច្បាស់ថាអាចលេងបានឬយ៉ាងណានោះទេ។ លោក Martinez ដែលជាគ្រូបង្វឹកក្រុមបែលហ្សិក បានអះអាងថាប្រសិនបើរូបគេនៅមិនទាន់ជាសះស្បើយបាន១០០%ទេ នោះលោកនឹងមិនប្រថុយដាក់ឱ្យលេងឡើយ ព្រោះខ្លាចមានបញ្ហារបួសទៀត។
លោក Martinez បាននិយាយថា៖ “គាត់មិនទាន់១០០%នៅឡើយទេ ហើយក៏មិនទាន់អាចហាត់ពេញលេញដែរជាមួយក្រុម។ យើងនឹងប្រយ័ត្នបំផុតជាមួយគាត់ ហើយមិនចង់ឱ្យគាត់របួសឡើយ។ ប្រសិនបើគាត់អាចលេងបាន វាគឺជារឿងល្អសម្រាប់បែលហ្សិក”៕ប្រភព Marca
