ប្រធានគ្រប់គ្រងផ្នែកកីឡាប្រចាំក្លឹប Paris Siant-Germain គឺលោក Leonardo បានបញ្ជាក់ថ្មីៗនេះថា ក្លឹបរបស់ខ្លួនពិតជាបានគិតគូរអំពីការចង់នាំយក Lionel Messi មកចូលរួម នៅទីផ្សារដោះដូររដូវក្តៅនេះពិតមែន។
Messi កាលពីប៉ុន្មានសប្តាហ៍មុន កៀកនឹងដើរដល់ផ្លូវបែកជាមួយ Barcelona ទៅហើយ ប៉ុន្តែក្រោយការចរចានៅចុងសប្តាហ៍កន្លងទៅ ក៏សម្រេចឲ្យអនាគតរបស់គេបន្តឈរជើងនៅទឹកដី Camp Nou ដដែល។
PSG ដែលជាក្រុមយក្សមួយ ក្នុងចំណោមក្រុមឯទៀតសម្លឹងឃើញ Messi ត្រូវបានលោក Leonardo បង្ហើប៖ “ពេលយើងដឹងថា Messi គេចង់ចាកចេញពី Barcelona យើងក៏បានគិតគូរដល់រឿងហ្នឹងដែរ ប៉ុន្តែពេលគិតដល់បញ្ហាផ្នែកហិរញ្ញវត្ថុគឺវាពិតជាស្មុគស្មាញខ្លាំងណាស់”។
គួរបញ្ជាក់ថា Messi នៅជាប់កុងត្រាជាមួយក្រុមរបស់លោក Ronald Koeman ដល់ខែមិថុនា ឆ្នាំ ២០២១ បែបនេះមានន័យថាត្រឹមខែមករា ឆ្នាំក្រោយ រូបគេមានសិទ្ធអាចចរចាបណ្តើរៗជាមួយក្លឹបដទៃហើយ នៅករណីដែលមិនព្រមបន្តកុងត្រាតទៅទៀត៕ ប្រភព៖ Sportsmole