ចំណូលថ្មី Donny van de Beek បានទម្លាយថា អតីតមិត្តចាស់នៅ Ajax និងជាកីឡាករឈរជើងនៅ Spurs បច្ចុប្បន្ន គឺ Steven Bergwijn បានសួរនាំខ្លួនអំពីការផ្ទេរមកក្លឹបមាន់ខ្នាយមាស ជាជាងការផ្ទេរទៅ United។
បុរសវ័យ ២៣ ឆ្នាំ បានសម្រេចការផ្ទេរទៅកាន់ទឹកដី Old Trafford នៅតម្លៃខ្លួន ៤០ លានផោនកាលពីសប្តាហ៍មុន ហើយតាមដឹងមានក្លឹបជាច្រើនដែលប្រជែងចង់បានខ្សែបម្រើសញ្ជាតិហូឡង់ មុនការចរចាធ្វើបានដោយជោគជ័យ។
ប្រាប់កាលពីពេលកន្លងទៅ Van de Beek និយាយ៖ “ខ្ញុំចង់ថាគាត់ [Bergwijn] បានផ្ញើសារមកខ្ញុំ ដោយសួរថា អ្នកមកចូលរួមជាមួយពួកយើង [Spurs] ឬក៏អត់”។
លោកបន្ត៖ “យើងរមែងមានទំនាក់ទំនងជាមួយគ្នា ដោយយើងធ្លាប់លេងនៅ Ajax យូរណាស់មកហើយ តែទំនាក់ទំនងនៅរក្សាជាមួយគ្នាដដែល តែខ្ញុំសម្រេចចិត្តជ្រើសយក United វាជាការបោះជំហានដ៏អស្ចារ្យនិងត្រឹមត្រូវមួយ”៕ ប្រភព៖ Metro