ខ្សែប្រយុទ្ធ Luis Suarez កាន់តែកៀកក្នុងការផ្លាស់ទៅលេងនៅក្រុម Juventus មែនទែនហើយ បន្ទាប់ពីសាមីខ្លួនបង្ហោះសារនៅលើបណ្ដាញសង្គមពីការតាំងចិត្តរបស់ខ្លួន។បើទោះជា Lionel Messi បានផ្លាស់ប្ដូរចិត្តដើម្បីលេងនៅក្រុម Barcelona ទៀតក៏ដោយ ក៏នេះមិនអាចបញ្ជាក់ថាអនាគតរបស់ Suarez នៅមានក្នុងក្រុមនេះទៀតដែរ។ កីឡាករវ័យ៣៣ឆ្នាំត្រូវបានលោក Ronald Koeman ដាក់ឱ្យហាត់ដោយឡែកសិន ដើម្បីសម្រេចពីអនាគតរបស់ខ្លួនក្នុងពេលឆាប់ៗខាងមុខនេះ។
ដោយរូបគេត្រូវបានអ្នកចាត់ការនិយាយផ្ទាល់មុខថា មិនស្ថិតក្នុងគម្រោងប្រើប្រាស់រដូវកាលថ្មីនោះទេ។Suarez បានបង្ហោះនៅលើបណ្ដាញសង្គមថា៖ “ខ្ញុំមិនដែលឈប់រីករាយនូវអ្វីគ្រប់យ៉ាងដែលខ្ញុំតែងតែចង់បាននោះទេ”។ សារមួយនេះ ក៏បានភ្ជាប់ជាមួយ hastags ”តែងតែគិតវិជ្ជមាន” និង “គ្មានអ្នកណាអាចយកក្ដីសង្ឃឹមពីខ្ញុំបានទេ”។ អ្នកគាំទ្រជាច្រើនបានចូល cmt ក្នុងសារមួយនោះ ដោយស្វាគមន៍រូបគេមកកាន់ក្លឹប Juventus ៕
ប្រភព៖ Marca