Cristiano Ronaldo និង Lionel Messi គឺជាគូប្រជែងដ៏អស្ចារ្យក្នុងវិស័យបាល់ទាត់នៅសតវត្សទី ២១ ដោយម្នាក់ត្រូវបានគេស្គាល់ថា ជាកីឡាករពោរពេញដោយមហិច្ឆតានិងការខិតខំប្រឹងប្រែងខ្ពស់ និងម្នាក់ទៀតជាកីឡាករដែលមានទេពកោសល្យជាមួយបាល់ទាត់តាំងពីកំណើត។
តើអ្នកធ្លាប់ដឹងទេថា Cristiano Ronaldo និង Lionel Messi បានតតាំងគ្នាលើទីលាន ដំបូងបង្អស់នៅពេលណា ហើយលទ្ធផលកាលនោះបញ្ចប់ទៅបែបណាវិញ?
ដោយតាមពិតទៅបើទោះបីជា Messi បង្ហាញខ្លួនឲ្យ Barcelona នៅឆ្នាំ ២០០៤ ហើយ Ronaldo បង្ហាញខ្លួនឲ្យ Man Utd នៅឆ្នាំ ២០០៣ តែអ្នកទាំងពីរមិនធ្លាប់ប៉ះគ្នាសោះឡើយនៅប៉ុន្មានឆ្នាំដំបូងនោះ ក្រោមហេតុផលដោយស្ថិតនៅក្របខ័ណ្ឌផ្សេងពីគ្នា និងការជួបគ្នានៅពានក្រៅស្រុកឱកាសមិនផ្តល់ឲ្យ។
រហូតដល់ថ្ងៃទី ២៣ មេសា ឆ្នាំ ២០០៨ នោះគឺជាការប្រកួតដំបូងដែលអ្នកទាំងពីរ បានតតាំងគ្នា ពោលក្នុងការប្រកួតរវាង Barcelona និង Manchester United នៅវគ្គ ៤ ក្រុមចុងក្រោយ ព្រឹត្តិការណ៍ UEFA Champions League។ លទ្ធផលនៅជើងទី ១ ការតតាំងរវាងក្រុមទាំងពីរ គឺបញ្ចប់ទៅ ០-០ ហើយនៅជើងទី ២ នារំលងមួយសប្តាហ៍បន្ទាប់ Man Utd បានយកឈ្នះ ១-០ ប៉ុន្តែជាការរកគ្រាប់បាល់ដោយ Paul Scholes មិនមែនជា Ronaldo ឡើយ។ បញ្ជាក់ថា នោះគឺជាឆ្នាំដំបូងដែល Ronaldo បានឈ្នះពាន UCL ជាមួយ Man Utd។
រំលងមួយឆ្នាំបន្ទាប់ ដល់ថ្ងៃទី ២៧ ឧសភា ឆ្នាំ ២០០៩ អ្នកមានបុណ្យ Barcelona ហាក់ដូចមាននិស្ស័យ ដោយបានពុះពារមកណាត់ជួបគ្នាជាមួយ United ម្តងទៀត តែនៅវគ្គផ្តាច់ព្រ័ត្រ ហើយលទ្ធផលបញ្ចប់ទៅ ២-០ ដែលមានចំណែកគ្រាប់បាល់របស់ Messi មួយគ្រាប់ដែរ ហើយនេះគឺជាឆ្នាំដែល Messi ឈ្នះពាន UCL លើកទី ២ ជាមួយនឹងក្លឹបយក្សអេស្ប៉ាញ។
សរុបជាស្ថិតិនៃការជួបគ្នា រវាង M10 និង CR7 គឺមានដល់ទៅ ៣៥ លើកហើយ ដោយលោកចុងក្រោយកើតឡើងនៅថ្ងៃទី ៦ ឧសភា ឆ្នាំ ២០១៨ ជាការតតាំងនៅជំនួប El Clasico លទ្ធផលបញ្ចប់ក្រោយ ៩០ នាទី គឺស្មើ ២-២៕
ប្រភព៖ Wikipedia