លោក Ronald Koeman កំពុងតាមទិញកីឡាករ Georginio Wijnaldum របស់ក្រុម Liverpool ទៅរួមក្រុម Barcelona ខណៈដែលកីឡាករចាស់ៗច្រើននាក់ត្រៀមចាកចេញ។
Wijnaldum កីឡាករហុល្លង់ បានឈានដល់ឆ្នាំចុងក្រោយនៃកុងត្រារបស់គេនៅក្រុម Liverpool ហើយ។ ខណៈ ដែលក្រុមលោក Klopp ក៏មិនទាន់បានចរចាជាមួយកីឡាករ ដើម្បីបន្ដកុងត្រាទៀតដែរ។ ដូច្នេះហើយ ទើបលោក Koeman ចូលខ្លួនមកសួរនាំ ដើម្បីទិញយកខ្សែបម្រើរូបនេះទៅរួមក្រុមនៅ FC Barcelona ។
ប្រភពនៅអេស្ប៉ាញបានបញ្ជាក់ថា កីឡាករវ័យ២៩ឆ្នាំខាងលើបានយល់ព្រមលក្ខខណ្ឌផ្ទាល់ខ្លួនជាមួយក្រុម Barcelona ទៅហើយ។ គេរំពឹងថា Liverpool នឹងលក់រូបគេចេញផងដែរ ដើម្បីយកកន្លែងសម្រាប់កីឡាករ Thiago Alcantara ដែលក្រុមហង្សក្រហមកំពុងតាមទិញពីក្រុម Bayern Munich ៕ប្រភព Dailymail
