ក្រុមបិសាចក្រហម Manchester United បានប្រកាសជាផ្លូវការទិញបានខ្សែបម្រើប្រយុទ្ធ Donny van de Beek ហើយពីក្រុម Ajax ក្នុងតម្លៃខ្លួន៤០លានផោន។
Van De Beek បានចុះកុងត្រាដល់ទៅ៥ឆ្នាំឯណោះជាមួយក្រុមបិសាចក្រហម ដោយតម្លៃពលកម្មរបស់គេគឺ ១០៧ ០០០ផោនក្នុង១សប្ដាហ៍។ រូបគេនឹងទទួលបានប្រាក់ Bonus បន្ថែមពីលើនេះទៀត ប្រសិនបើអាចជួយក្រុមឈ្នះពានរង្វាន់បាន។ កីឡាករវ័យ២៣ឆ្នាំខាងលើនេះ គឺជាកីឡាករទី១ហើយ ដែលលោក Ole ទិញចូលនៅរដូវកាលថ្មីនេះ។
អតីតកីឡាករ Ajax ខាងលើនឹងចាប់ដៃគូជាមួយ Bruno និង Pogba សម្រាប់រដូវកាលថ្មីខាងមុខនេះ។ លោក Ole ក៏កំពុងស្វែងរកកីឡាករថ្មីបន្ថែមទៀតហើយ ជាពិសេសនៅតំបន់ការពារតែម្ដង៕ប្រភព Dailymail