កាលពីម្សិលមិញនេះ លោក Josep Bartomeu បានជួបប្រជុំជាមួយលោក Jorge ឪពុករបស់ Lionel Messi ដើម្បីចរចារកផ្លូវឱ្យខ្សែប្រយុទ្ធរូបនេះបន្ដលេងនៅក្រុម Barcelona ទៀត។
ការប្រជុំនោះដែរ បានប្រើពេលដល់ទៅ៩០នាទីពេញឯណោះ ទើបភាគីទាំងសងខាងចាកចេញ។ ដោយលទ្ធផលវិញ មិនមានការចុះកុងត្រាអ្វីនោះទេ ប៉ុន្តែភាគីក្រុមអ្នកមានបុណ្យមើលឃើញថាពួកគេមានទំនុកចិត្តដល់ទៅ៩០% ហើយថា Messi នឹងបន្ដលេងនៅក្រុម Barcelona ទៀត។ ដោយក្រោយពីប្រជុំចប់ ក្រុម Barcelona ជឿជាក់ថាលោក Jorge Messi នឹងបញ្ចុះបញ្ចូលកូនប្រុសខ្លួនបន្ដលេងនៅអេស្ប៉ាញទៀតមិនខាន។
រំលឹកថា Messi នៅតែបន្ដអវត្តមានពីទីលានហ្វឹកហាត់ទៀតនៅថ្ងៃពុធម្សិលមិញនេះ។ យ៉ាងណាមិញ ក្រុម Barcelona ក៏មិនទាន់ពិន័យទៅលើខ្សែប្រយុទ្ធរូបនេះនៅឡើយទេ ដោយពួកគេបានទុកពេលឱ្យ Messi ពិចារណាទៀតសិន៕ប្រភព Marca