ក្របខ័ណ្ឌបាល់ទាត់កំពូលរបស់វៀតណាម V. League 1នឹងចាប់ផ្ដើមលេងឡើងវិញចាប់ពីថ្ងៃទីន២៦ខែកញ្ញានេះតទៅបន្ទាប់ពីផ្អាកសកម្មភាពជាលើកទី២បន្ទាប់ពីរលកទី២នៃការឆ្លងវីរុសកូវីដ១៩កើតឡើងក្នុងប្រទេសវៀតណាម។
ការប្រកួតជើងទី១នៃរដូវកាល២០២០នេះនៅសល់២សប្ដា៍ទៀតហើយជើងទី២ក្រុមកំពូលតារាងទាំង៦និងក្រុមបាត់តារាងទាំង៦ផ្សេងទៀតនឹងប្រកួតផ្សេងគ្នាដើម្បីរកក្រុមជើងឯកនិងក្រុមធ្លាក់ទីលីគទី២។ ឆ្លងកាត១១ប្រកួតកន្លងមកក្រុម Saigon FC កំពុងឈរកំពូលតារាងមាន២៣ពិន្ទុហើយ Quang Nam ឈរបាតតារាងមាន៨ពិន្ទុ។
ក្រុមកំពូលតារាងទាំង៦នឹងរំពឹងចាប់ផ្ដើមលេងនៅថ្ងៃទី០៨ខែវិច្ឆិកាហើយក្រុមបាតតារាងទាំង៦នឹងលេងនៅមួយសប្ដាហ៍បន្ទាប់មកទៀត។ ពានរង្វាន់ The National Cup វគ្គ៨ក្រុមចុងក្រោយនឹងលេងនៅថ្ងៃទី១១និង១២ខែកញ្ញានេះ។ ចំណែកលីគទី២វៀតណាមនឹងចាប់ផ្ដើមសកម្មភាពឡើងវិញននៅថ្ងៃទី២៥ខែកញ្ញា។