ខ្សែប្រយុទ្ធ Marco Asensio ត្រូវបានដកចេញពីជម្រើសជាតិអេស្ប៉ាញហើយ បន្ទាប់ពីរូបគេមានបញ្ហារបួសជង្គង់ អំឡុងពេលហ្វឹកហាត់។
លោក Luis Enrique បានជ្រើសរើសកីឡាករ Real Madrid ខាងលើនេះ ជាជម្រើសទី១របស់លោក សម្រាប់លេងក្នុងពានរង្វាន់ Nations League ទល់ក្រុមអាល្លឺម៉ង់ និងអ៊ុយក្រែន។ តែទោះជាយ៉ាងនេះក្ដី បន្ទាប់ពីមានអារម្មណ៍ថាមិនស្រួលជង្គង់អំឡុងពេលហ្វឹកហាត់ ក៏ក្រុមអេស្ប៉ាញយល់ព្រមឱ្យរូបគេចាកចេញពីជំរំវិញទៅ។
ពេលនេះ Asensio នឹងត្រូវត្រលប់ទៅក្រុម Real Madrid វិញ ដើម្បីពិនិត្យសុខភាពបន្ដទៀត។ រូបគេមានអារម្មណ៍ឈឺចាប់ត្រង់កន្លែងរបួសជង្គង់ដែលសម្រាកព្យាបាលរយៈពេលយូរកន្លងទៅនោះ៕ប្រភព Marca
