ក្រុមកាំភ្លើងធំ Arsenal ទិញបានខ្សែការពារប្រេស៊ីលម្នាក់ទៀតហើយគឺកីឡាករ Gabriel Magalhaes ពីក្រុម Lille ក្នុងតម្លៃខ្លួន២៦លានផោន។
លោក Arteta អ្នកចាត់ការក្រុមកាំភ្លើងធំ បានអះអាងថា Gabriel ជាកីឡាករម្នាក់ដែលសក្ដិសមជាមួយក្រុម Arsenal ខ្លាំងណាស់។ រូបគេនឹងមកចូលរួមដើម្បីបំពេញកន្លែងខ្វះខាតក្នុងក្រុមត្រៀមរដូវកាលថ្មីខាងមុខនេះ។ ខណៈដែលខ្សែការពារមួយចំនួនក្នុងក្រុមកំពុងមានរបួស និងត្រៀមចាកចេញផងដែរ។
កីឡាករវ័យ២២ឆ្នាំខាងលើនេះ ត្រូវបានក្រុម Lille ដាក់ឱ្យក្លឹបដទៃទៀតខ្ចីជើងជាច្រើន មុនពេលបានឱកាសលេងនៅក្រុម Lille នារដូវកាលមុននេះ។ កីឡាករជម្រើសជាតិប្រេស៊ីលរូបនេះ ចូលរួមជាមួយក្រុម Arsenal ជាមួយកុងត្រាច្រើនឆ្នាំ ដោយក្លឹបមិនបានបញ្ជាក់ពីរយៈពេលច្បាស់លាស់នោះទេ៕ប្រភព Bbc
