ក្លឹប Barcelona ត្រូវបានគេប្រាប់ថា ឲ្យចំណាយយ៉ាងហោចណាស់ក៏ ៩០ លានផោនដែរ ក្នុងការចុះហត្ថលេខាយក Sadio Mane ចេញពី Liverpool។ នេះបើតាមរបាយការណ៍ Mundo Deportivo បានចុះផ្សាយ។
ក្លឹបកាតាឡាន់កន្លងមកល្ហៀងៗថាចង់បានខ្សែប្រយុទ្ធស្លាបសញ្ជាតិសេណេហ្គាល់ មកជំនួសតំណែងរបស់ Lionel Messi គ្រោងចាកចេញទៅចូលរួមនៅ Manchester City។
ប៉ុន្តែសម្រាប់ Mane ក៏សេសសល់កុងត្រារយៈពេលយូរគួរសម ពោលដល់ទៅ ៣ ឆ្នាំឯណោះជាមួយនឹងក្លឹបទើបឈ្នះពាន PL ថ្មីថ្មោង ហើយអមនឹងសមត្ថភាពដ៏ល្អរបស់គេផង ទើបរុញឲ្យតម្លៃកៀកតួលេខបីខ្ទង់បែបនេះ។
បញ្ជាក់ថា Liverpool ធ្លាប់មានប្រវត្តិរបូតកីឡាករសំខាន់ៗឲ្យទៅ Barca មានដូចជា Javier Mascherano, Luis Suarez និង Philippe Coutinho៕ ប្រភព៖ Sportsmole