ថ្មីៗនេះ Neymar Jr បានប្រកាសជាផ្លូវការ ថាខ្លួននឹងបន្តឈរជើងជាមួយក្លឹបបារាំង Paris Saint-Germain នារដូវកាលក្រោយ ២០២០/២១ ដដែល ហើយមានមហិច្ឆតាចង់ឆ្ពោះទៅដល់វគ្គផ្តាច់ព្រ័ត្រដើម្បីយកជ័យជម្នះពាន UCL ឲ្យបាន។
ប្រាប់សារព័ត៌មាន ខ្សែប្រយុទ្ធក្លឹបបារាំងនិយាយ៖ “ខ្ញុំនឹងបន្តឈរជើងនៅ PSG ដដែលរដូវកាលក្រោយ អមជាមួយនឹងមហិច្ឆតាចង់ត្រលប់ទៅកាន់វគ្គផ្តាច់ព្រ័ត្រ Champions League តែលើកនេះគឺត្រូវតែឈ្នះវាឲ្យបាន”។
លោកបន្ថែម៖ “ខ្ញុំពេញចិត្តគំនិតគ្រប់បែបយ៉ាង ដើម្បីធ្វើឲ្យបែបណាអាចបន្សល់ឈ្មោះរបស់ខ្ញុំនៅប្រវត្តិសាស្រ្តរបស់ក្លឹប”។
បញ្ជាក់ថា Neymar ក៏ស្ថិតក្នុងបញ្ជីឈ្មោះកីឡាករទាំង ២៣ រូបដែលល្អបំផុតប្រចាំរដូវកាល UCL ផងដែរ។ ចាប់តាំងពីផ្ទេរមក PSG នៅឆ្នាំ ២០១៧ គេលើកពានធំតូចបានចំនួន ៩ ហើយ៕ ប្រភព៖ SoccerLaduma