Kingsley Coman ដែលជាអ្នករកបានគ្រាប់បាល់ជ័យជម្នះឲ្យ Bayern Munich នៅ UCL ទល់ក្លឹបចាស់ Paris Saint-Germain ថ្មីៗនេះត្រូវបានគេចោទសួរអំពីអនាគតពាក់ព័ន្ធនឹងក្លឹបនៅប្រទេសបារាំង។
ប្រាប់សារព័ត៌មាន Telefoot កីឡាករលេងនៅតំណែងប្រយុទ្ធស្លាបរូបនេះប្រាប់ថា៖ “វាពិតជាស្មុគស្មាញ ប្រសិន Neymar នៅលេងតំណែងប្រយុទ្ធស្លាបឆ្វេង ត្រូវហើយវាមិនអាចទៅរួចនោះទេ Paris មិនស្ថិតក្នុងផែនការណ៍អាជីពរបស់ខ្ញុំឡើយ”។
“PSG នឹងរមែងស្ថិតក្នុងការចងចាំរបស់ខ្ញុំ តែសម្រាប់ខ្ញុំវាជាការសម្រេចចិត្តដ៏ត្រឹមត្រូវមួយ ដែលចាកចេញ មិនអ៊ីចឹងទេប្រហែលខ្ញុំមិនបានឈ្នះ Champions League ទេ ដោយខ្ញុំតែងតែគិតថា ជាមួយគុណភាពរបស់ខ្ញុំ អាចលេងឲ្យក្លឹបដ៏ធំមួយបាន”។
បញ្ជាក់ថា Coman រដូវកាល ២០១៩/២០ បានក្លាយជាចំណែកដ៏សំខាន់មួយ សម្រាប់ក្លឹបយក្សអាល្លឺម៉ង់ដោយជាពិសេសនៅ UCL ៩ ប្រកួត គេរកបាន ៣ គ្រាប់និង Assist ១ លើក៕ ប្រភព៖ AF