ខ្សែបម្រើ Donny van de Beek បានពិនិត្យសុខភាពជោគជ័យហើយ ជាមួយក្រុមបិសាចក្រហម Manchester United មុនប្រកាសពីការផ្ទេរជាផ្លូវការក្នុងពេលឆាប់ៗនេះ។
បើទោះជាកីឡាករខាងលើកំពុងជាប់ភារកិច្ចនៅជម្រើសជាតិហុល្លង់មែន ប៉ុន្តែក្រុមការងារក្លឹប Man Utd មិនឱ្យឱកាសរបូតទៅទេ ពោលគឺពួកគេបានទៅពិនិត្យសុខភាព Van de Beek ដល់ហុល្លង់តែម្ដង។ ជាលទ្ធផលនៃការពិនិត្យ គឺបញ្ជាក់ថារូបគេជោគជ័យនិងសុខភាពល្អជាធម្មតា ដូច្នេះការដំណើរការចុះកុងត្រាក្នុងតម្លៃ៤០លានផោននឹងកើតឡើងក្នុងពេលដ៏ខ្លីខាងមុខនេះ។
កីឡាករវ័យ២៣ឆ្នាំខាងលើ គឺជាកីឡាករដំបូងរបស់ Man Utd ដែលទិញចូលសម្រាប់រដូវកាលថ្មីខាងមុខ។ លេងនៅតំបន់កណ្ដាល រូបគេនឹងសហការគ្នាជាមួយ Bruno និង Pogba ដើម្បីគាំទ្រតំបន់ប្រយុទ្ធខាងលើរបស់បិសាចក្រហមឱ្យកាន់តែខ្លាំងមួយកម្រិតទៀត៕ប្រភព Skysports
