ខ្សែប្រយុទ្ធវ័យចំណាស់ Zlatan Ibrahimovic ទើបតែបានចុះហត្ថលេខាបន្ថែមកុងត្រារយៈពេល ១ ឆ្នាំទៀតជាមួយក្លឹប AC Milan។
កីឡាករវ័យ ៣៨ ឆ្នាំតាមពិតទៅត្រូវផុតកុងត្រានៅរដូវក្តៅនេះ បន្ទាប់ពីគេព្រមព្រៀងមកចូលរួមរយៈពេល ៦ ខែ រាប់តាំងពីខែមករានៅទីក្រុង Milan ប្រទេសអ៊ីតាលី។ រាប់គ្រប់ការប្រកួត បុរសសញ្ជាតិស៊ុយអែតអាចធ្វើបានល្អ រកបានដល់ទៅ ១១ គ្រាប់ ជួយឲ្យ AC Milan ឈរនៅលេខ ៦។
គួរបញ្ជាក់នារដូវកាលថ្មី ២០២០/២១ គេនឹងបានប្រើប្រាស់អាវលេខ ១១ ជំនួសពីអាវលេខ ២១ នាពេលបច្ចុប្បន្ន។ មិនមានការបញ្ជាក់ពីការគ្រោងទៅចូលនិវត្តនៅក្លឹបណានោះទេ ប៉ុន្តែក្រោយផុតកុងត្រាឆ្នាំក្រោយ លោកនឹងហៀរចូលវ័យ ៣៩ ឆ្នាំហើយ៕ ប្រភព៖ BBC