អ្នកស្រី Madam Pang ម្ចាស់ក្លិប Port FC ដែលលេងក្នុងលីគកំពូលថៃ និងជាម្ចាស់ក្រុមហ៊ុនធានារ៉ាប់រង់ធំបំផុតក្នុងប្រទេសថៃបានបរិច្ចាគលុយ១៩លានបាតដល់ក្លិបទាំង៧២ក្នុងលីគទី៣ថៃឲ្យបន្តសកម្មភាពឡើងវិញបន្ទាប់ពីផ្អាកការប្រកួតដោយគ្មានលក្ខខ័ណ្ឌ។
ដើមឡើយ! ប្រាក់នេះគឺជាការចូលរួមវិភាគទានដល់សហព័ន្ធថៃក្នុងការទូទាត់ប្រាក់ឱ្យពួកគេប្រើប្រាស់ប្រព័ន្ធ VAR ក្នុងការប្រកួត Thai League 1 បន្ទាប់ពីសហព័ន្ធកីឡាបាល់ទាត់ថៃជួបបញ្ហាហិរញ្ញវត្ថុក្នុងការបន្តប្រើប្រាស់បន្តទៀត។ បន្ទាប់ពីក្លិបទាំងអស់ក្នុងលីគកំពូលបន្តឲ្យប្រើប្រាស់ដដែលលុយជំនួយនៃត្រូវបង្វែរទៅជួយក្លិបទាំង៧២ក្នុងលីគទី៣ឲ្យមានសកម្មភាព។
នេះមានន័យថាក្លិបទាំង៧២ក្នុងលីគទី៣នោះ មួយៗទទួលបានលុយ២២២,២២២បាត។ Port FC រដូវកាលនេះបានដណ្តើមយកតារាឆ្នើម ៗ ពីក្រុមយក្សលីគកំពូលថៃជាច្រើន ដើម្បីពង្រឹងក្រុមរបស់ខ្លួនដើម្បីប្រជែងដណ្តើមជើងឯកនិងដណ្តើមបានកៅអីមួយក្នុងពានរង្វាន់ AFC Champions League ឆ្នាំ ២០២១ ៕