ក្របខណ្ឌ La Liga ក៏បានចេញមុខមកបញ្ជាក់ច្បាស់ថា Lionel Messi មិនអាចចាកចេញពីក្រុម FC Barcelona ដោយគ្មានតម្លៃខ្លួនឡើយ ព្រោះរូបគេនៅសល់កុងត្រា១ឆ្នាំទៀត។
Messi ពិតជាចង់ចាកចេញពីក្រុម Barcelona ខ្លាំងមែនទែន ដោយរូបគេមិនព្រមទៅធ្វើតេស្ដរកមេរោគ Covid-19 និងចូលរួមហ្វឹកហាត់ជាមួយសមាជិកក្រុមឡើយ។ ត្បិតតែព្យាយាមធ្វើយ៉ាងនេះមែន ប៉ុន្តែក្រុម Barcelona នឹងមិនចិត្តងាយក្នុងការលក់រូបគេឱ្យទៅក្រុមដទៃទេ។ ការលក់ចេញធ្វើទៅបាន ប្រសិនបើមានក្លឹបព្រមទិញផ្ដាច់កុងត្រា១ឆ្នាំ ដែលមានតម្លៃដល់ទៅ៧០០លានអឺរ៉ូនោះ។
ដូចគ្នានេះដែរ La Liga ក៏បានសរសេរលិខិតបញ្ជាក់១ដែរ។ ពួកគេថា Messi នៅសល់កុងត្រាយកជាការណ៍បាន១ឆ្នាំទៀតនៅក្រុម Barcelona ដូច្នេះមិនអាចចាកចេញដោយគ្មានតម្លៃផ្ទេរឡើយ៕ប្រភព Dailymail