ខ្សែបម្រើដែលមានអនាគតមិនប្រាកដប្រជាជាមួយ Barcelona គឺកីឡាករ Arturo Vidal បានបញ្ជាក់កាលពីពេលថ្មីៗនេះ ថាខ្លួនពេញចិត្តនឹងការផ្ទេរទៅចូលរួមនៅក្លឹប Juventus ក្រោមការដឹកនាំរបស់លោក Andrea Pirlo។
ប្រាប់ទៅកាន់ YouTuber លោកDaniel Habif សម្រាប់កីឡាករឈីលីនិយាយថា៖ “វាពិតជាពិសេសណាស់ការដែល Pirlo បានក្លាយជាអ្នកចាត់ការរបស់ Juventus ដោយគាត់ធ្លាប់ជាកីឡាករដ៏ល្អ មានចក្ខុវិស័យពិតៗក្នុងវិស័យបាល់ទាត់ ដែលមានមនុស្សតិចណាស់ដែលមាន អ៊ីចឹងខ្ញុំគិតថាគាត់នឹងធ្វើបានល្អខ្លាំង”។
គេបន្ថែមថា៖ “យើងធ្លាប់ចាយពេល ៤ ឆ្នាំ និងឈ្នះពាន Serie A ៤ លើកជាមួយគ្នា ហើយបើគាត់តេហៅខ្ញុំ នោះខ្ញុំពិតជារីករាយខ្លាំងណាស់”។
បញ្ជាក់ថាអ្នកទាំងពីរ ធ្លាប់រួមអាជីពកាលជាកីឡាករចន្លោះពេលលេងឲ្យ Juventus នាឆ្នាំ ២០១១-១៥ ហើយគ្រានោះ ជ័យជម្នះពានចំនួន ៣ ក៏ធ្លាប់ស្ថិតក្រោមការដឹកនាំរបស់លោក Antonio Conte ដែលជាគ្រូបង្វឹកនៅ Inter Milan សព្វថ្ងៃ៕ ប្រភព៖ AF