Lionel Messi ត្រូវបានគេរាយការណ៍ថា បានបដិសេធការធ្វើតេស្តសុខភាពនៅថ្ងៃអាទិត្យជាមួយក្លឹប ហើយមិនព្រមចូលរួមការហ្វឹកហាត់ត្រៀមបើករដូវកាល ដែលនេះបង្ហាញពីសញ្ញាជាក់ច្បាស់ អំពីការចង់ចាកចេញ។
បុរសវ័យ ៣៣ ឆ្នាំ ទំនងជាអវត្តមានពីការហ្វឹកហាត់នៅថ្ងៃចន្ទនេះ ហើយបើតាមរបាយការណ៍ពី SPORT ក៏ទម្លាយនូវទំហំប្រាក់ដែល Messi ប្រឈមរងការពិន័យពីក្លឹប។
នោះគឺ Messi អាចនឹងត្រូវខកខានការទូទាត់ថ្លៃពលកម្មចន្លោះពី ២ ទៅ ១០ ថ្ងៃ ឬអាចពិន័យទំហំប្រាក់ ៧ ភាគរយនៃប្រាក់ប្រចាំខែរបស់គេ។ ក្នុងមួយខែកីឡាករអាហ្សង់ទីនរកបាន ៤,២ លានអឺរ៉ូ។បែបនេះមានន័យថា ប្រសិនរងការពិន័យធ្ងន់ធ្ងរ M10 ប្រឈមខាតបង់ប្រាក់ពលកម្មដល់ ១ លានអឺរ៉ូក៏ថាបាន៕ ប្រភព៖ SportBible