អ្នកចាត់ការលោក Frank Lampard បានបញ្ជាក់ច្បាស់ៗ ពីបញ្ហារបួសរបស់ខ្សែប្រយុទ្ធស្លាប Hakim Ziyech ហើយ ដោយថាអតីតកីឡាករ Ajax ទើបបង្ហាញខ្លួនឲ្យ Chelsea រូបនេះ បានជួបរបួសជង្គង់។
Ziyech ចូលរួមលេងជាលើកដំបូងឲ្យតោខៀវ នៅប្រកួតមិត្តភាពទល់ Brightonកាលពីពេលកន្លងទៅ ហើយត្រូវបង្ខំចិត្តប្តូរចេញនៅនាទី ៥៤។
បញ្ជាក់ក្រោយចប់ការប្រកួត Lampard និយាយថា៖ “Ziyech គេធ្វើបានល្អក្នុងការប្រកួត ដោយការចូលរួមចំណែកនិងការបញ្ជូនបាល់របស់គេ គឺស្ថិតនៅកម្រិតគុណភាពខ្ពស់មួយ តែគេមានការប៉ះទង្គិចត្រង់ផ្នែកជង្គង់បន្តិច ដែលយើងនឹងត្រូវធ្វើការវាយតម្លៃបន្ត”។
លោក Lampard សង្កត់ធ្ងន់៖ “សង្ឃឹមថាវាមិនអាក្រក់ណាស់ណាទៅចុះ តែក្នុងការបង្ហាញទម្រង់លេង គឺ Ziyech គេពិតជាធ្វើបានល្អណាស់”៕ ប្រភព៖ BeSoccer