អតីតជើងចាស់ Xavi Hernandez ថ្មីៗនេះ បានបង្ហាញការយល់ឃើញពាក់ព័ន្ធនឹងខ្សែបម្រើ ក៏ដូចជាខ្សែការពារ/អ្នកចាត់ការ ដែលល្អបំផុតក្នុងលោកសព្វថ្ងៃ។
បច្ចុប្បន្ន Xavi កំពុងដើរតួជាអ្នកចាត់ការ នៅក្លឹប Al Sadd ក្នុងក្របខ័ណ្ឌ Qatar Stars League ហើយបានជជែកប្រាប់សារព័ត៌មាន Qatar Airways ថា៖ “Kevin de Bruyne របស់ Man City សម្រាប់ខ្ញុំគេបានស្ថិតនៅកម្រិតមួយទៀតហើយ ដោយគេអាចធ្វើឲ្យមានភាពខុសប្លែកបាន គេជាខ្សែបម្រើដ៏ល្អបំផុតក្នុងលោក”។
បន្តដល់ឈ្មោះ Pep Guardiola និង Virgil van Dijk លោក Xavi បន្ថែម៖ “Pep ជាអ្នកចាត់ការល្អបំផុតក្នុងលោក ដោយគាត់មានសមត្ថភាពដឹកនាំល្អ ហើយមួយផ្សេងទៀតមធ្យោបាយនៃការបញ្ចុះបញ្ចូលកីឡាកររបស់គាត់ គឺពិតជាល្អខ្លាំងណាស់”។
“ខ្ញុំសូមរើសយក Virgil van Dijk ដោយមើលឃើញពីភាពជាអ្នកដឹកនាំរបស់គេ ភាពរឹងមាំ និងបច្ចេកទេសដ៏ល្អ”៕ ប្រភព៖ Sportskeeda