អ្នកគាំទ្រក្លិប Valencia ដែលលេងក្នុងលីគកំពូលអេស្ប៉ាញ La Liga បានបាត់បង់ភាពអត់ធ្មត់របស់ខ្លួនជាមួយម្ចាស់ក្លិបសញ្ជាតិសិង្ហបុរីលោក Peter Lim ហើយបានស្នើឲ្យប្រធានក្លិបរូបនេះចាកចេញឈប់កាន់ក្លិបមួយនេះតទៅទៀត។
កាសែតធំជាងគេរបស់អេស្ប៉សញ Marca បានរាយការណ៍ថាក្រុមអ្នកគាំទ្របានធ្វើបាតុកម្មនៅខាងក្រៅមជ្ឈមណ្ឌលហ្វឹកហាត់ដែលពួកគេបានជំរុញឱ្យ Lim និងប្រធានក្លឹបលោក Anil Murthy ចាកចេញពីក្រុមភ្លាមៗ។ចាប់តាំងពីលោក Lim បានក្លាយជាម្ចាស់ក្រុមក្នុងឆ្នាំ ២០១៤ អ្នកគាំទ្រមិនចូលចិត្តគាត់ដែលពួកគេគិតថាលោក Lim តែងតែធ្វើការសម្រេចចិត្តដែលធ្វើឱ្យប៉ះពាល់ដល់ក្លឹបហើយបដិសេធមិនទទួលយកយោបល់ពីភាគីណាមួយរួមទាំងការគ្រប់គ្រងក្រុម។
ក្នុងចំណោមសកម្មភាពរបស់លោក Lim ដែលធ្វើឱ្យមានការរិះគន់ គឺការបណ្តេញគ្រូបង្វឹកភ្លាមៗដូចជាអតីតកីឡាកររបស់ក្រុមបិសាចក្រហម Manchester United លោក Gary Neville និងការលក់កីឡាករឆ្នើមរបស់ក្រុមមួយចំនួនក្នុងតម្លៃថោកជាដើម។ ក្នុងចំណោមការលក់កីឡាករ លោក បានលក់ប្រធានក្រុម Dani Parejo ដែលបានលេងនៅកីឡដ្ឋាន Mestalla ចាប់តាំងពីឆ្នាំ ២០១១។ Parejo ត្រូវបានលក់ទៅឱ្យគូប្រជែងដ៏សំខាន់របស់ពួកគេគឺ Villarreal កាលពីរដូវកាលមុន។ លើសពីនេះទៅទៀត! កីឡាករសំណព្វអ្នកគាំទ្រម្នាក់ទៀតគឺ Francis Coquelin ក៏ត្រូវបានលក់ទៅឱ្យ Villarreal ផងដែរ។
ចំនួនបំណុលកាន់តែកើនឡើងៗហើយមិនបានបង្ហាញពីការធ្លាក់ចុះណាមួយនោះទេ ខណៈដែល Valencia ស្នើសុំសាងសង់ពហុកីឡដ្ឋានថ្មីមួយទៀត៕