ខ្សែប្រយុទ្ធ Eden Hazard បានបញ្ជាក់ថារដូវកាលទី២របស់ខ្លួននៅ Real Madrid គឺអ្នកគាំទ្រអាចវិនិច្ឆ័យលើរូបគេបានហើយថាល្អឬមិនល្អ។
កីឡាករបែលហ្សិកខាងលើនេះ ត្រូវបានក្រុម Real Madrid ទិញយកពីក្រុម Chelsea កាលពីរដូវកាលមុន ប៉ុន្តែរដូវកាលដំបូងរបស់គេលេងមិនបានល្អនៅឡើយទេ។ ត្បិតតែយ៉ាងនេះក្ដី ក៏ក្រុម Real Madrid ក្រោមការដឹកនាំរបស់លោក Zidane អាចមានឱកាសលើកពានរង្វាន់ La Liga ផងដែរ។
សម្រាប់រដូវកាលថ្មីខាងមុខនេះវិញ Hazard បានប្ដេជ្ញាថានឹងប្រឹងប្រែងឱ្យបានល្អបំផុត ព្រោះរដូវកាលដំបូងសម្រាប់កីឡាករថ្មីគឺសុទ្ធតែពិបាកសម្របខ្លួនដូចគ្នា។ ខ្សែប្រយុទ្ធរូបនេះក៏បញ្ជាក់ទៅអ្នកគាំទ្រដែរថាគ្រប់គ្នាអាចនិយាយពីគេល្អឬមិនល្អបាននៅរដូវកាលទី២នេះហើយ៕ប្រភព Marca
