ក្លិបបឹងកេតអេហ្វស៊ីបានប្រកាសកាលពីប៉ុន្មាននាទីមុននេះថាបានសម្រេចចែកផ្លូវគ្នាជាមួយខ្សែប្រយុទ្ធសញ្ជាតិប្រេស៊ីល Franc Santana Paiva ហើយក្រោយរួមរស់ជាមួយគ្នា កំឡុងកន្លះរដូវកាលនៃពានរង្វាន់ Metfone Cambodian League រដូវកាល២០២០នេះ។
កីឡាករប្រេស៊ីលហាក់បង្ហាញទម្រង់លេងមិនសូវបានល្អក្នុងនាមជាកីឡាករកូតាបរទេសរបស់ក្លិបបឹងកេតដោយបង្ហាញខ្លួន៧ប្រកួតចុងក្រោយរកបាន៤គ្រាប់។ ការបង្ហាញទម្រង់លេងល្អបំផុតរបស់កីឡាកររូបនេះ គឺពេលដែលជួយបឹងកេតឈ្នះកងយោធិពលខេមរភូមិន្ទក្នុងលទ្ធផល៦ទល់១ ដែលរូបគេរកបានបីគ្រាប់ម្នាក់ឯង។ Franc ធ្លាប់លេងឱ្យក្លិបក្នុងប្រទេសប្រេស៊ីលជាច្រើន និងចុងក្រោយបង្អស់លេងឱ្យក្លិប Devolli ក្នុងក្របខ័ណ្ឌលីគទី២របស់ប្រទេសអាល់បានី។
https://www.facebook.com/boeungketfootballclub/photos/a.290213961023705/3527876573924078/?type=3&__xts__%5B0%5D=68.ARDwbqEiuH3OJ_tuNJz9oBqTkffEp9PrrWfNrLDLftelNTVmwtrF2znXWBu4L65Vq7NWl3grsGuvac7t9KM_5Tvb-_g9pbg3PED25_R33QJ5n1i5QZGAypMEkw96G4vrlizNUnrUf9ABFxcj_w9RbMI8YMVn2Pxf7hdhBap1-lx2lPqgbYIsfk7TRW-8x4a0ZGahKBTwAAxUdix28jO7jrbijxLPN757Dl-1vTG-s5zfNLXz_-noXSA7A7JAeJRWgLWHJZpWh17QiYaiI0YUTrBOdjgxWKjIf5w6D4JxOhuuABzUZCgh4-GXI64z8ivLGKyBv1wdRkXQgtpZqSQ2Hw2uroBU0f1qZx9qQGrkfx3zxCnsXEcyyP0&__tn__=-R
ទោះបីជាពេលនេះរដូវកាលដោះដូរកីឡាករកំពុងតែបើកក្ដីបឹងកេត មិនទាន់បានប្រកាសពីការយកកីឡាករបរទេសមកជំនួស ខ្សែប្រយុទ្ធប្រេស៊ីលរូបនេះឡើយទេ៕