ខ្សែការពារ Maguire ត្រូវបានអាជ្ញាធរក្រិកចាប់ខ្លួន បន្ទាប់ពីមានរឿងរ៉ាវប្រតាយប្រតប់គ្នាជាមួយប៉ូលិសក្នុងតំបន់ អំឡុងពេលវិស្សមកាលរបស់គេ។
ក្នុងបទសម្ភាសន៍មួយកាលពីពេលកន្លងទៅនេះ ប្រធានក្រុម Man Utd ខាងលើ បានបញ្ជាក់ថាខ្លួនហាក់ដូចជាត្រូវគេចាប់ខ្លួន មិនមែនបទល្មើសនោះទេ។ អំឡុងពេលឃុំខ្លួន មានការគំរាមជាច្រើនកើតឡើង ហើយរូបគេយល់ថាពិតជាគួរឱ្យខ្លាចខ្លាំងណាស់។ ខណៈដែល Maguire យល់ថាខ្លួនមិនបានធ្វើអ្វីដែលខុសរហូតដល់មានការចាប់ខ្លួននេះទេ។
អតីតកីឡាករ Leicester City ខាងលើនេះ បានបន្ថែមទៀតថារូបគេនឹងមិនមានការសុំទោសអ្វីនោះទេ ព្រោះខ្លួនមិនបានធ្វើខុស។ មួយវិញទៀត ខ្សែការពាររូបនេះក៏បញ្ជាក់ថាយុត្តិធម៌នឹងមានសម្រាប់គេ ហើយខ្លួនគេផ្ទាល់ក៏មិនខា្លចការពិតផងដែរ៕ប្រភព Bbc