ជជែកពាក់ព័ន្ធនឹងចចាមអារ៉ាមនៃការចាកចេញរបស់ Lionel Messi ជើងចាស់នៅអង់គ្លេសលោក Wayne Rooney ក៏បានបង្ហាញការយល់ឃើញថ ប្រសិនគេព្រមផ្ញើអនាគតជាមួយក្លឹបនៅអង់គ្លេស គេនឹងអាចឈ្នះពាន Ballon d’Or ទី ៧។
ប្រាប់សារព័ត៌មាន talkSPORT អតីតកីឡាករនៅ Man Utd និយាយ៖ “ខ្ញុំនឹងថាគាត់កាន់តែមានវ័យចំណាស់ហើយ តែគាត់នៅតែជាកីឡាករដែលយើងមិនធ្លាប់បានឃើញពីមុនមក គាត់មានគ្រប់យ៉ាង ទាំងការបង្កើតឱកាស ការសម្រេចទី ពោលជាកីឡាករល្អបំផុតគ្រប់ពេលវេលាទាំងអស់”។
លោកបន្ត៖ “ការផ្ទេរទៅលេងនៅអាមេរិក ជឿថាមិនស្ថិតក្នុងការគិតរបស់គាត់ទេ ព្រោះគាត់ល្អពេកហើយ អ៊ីចឹងគាត់អាចនឹងមកចូលរួមនៅ Premier League ហើយក្លាយជាកីឡាករល្អបំផុតប្រចាំឆ្នាំ មួយទៀតបើមានកីឡាករនៅជុំវិញខ្លួនដូចជា Bruno Fernandes [នៅ Man Utd] ឬ Kevin de Bruyne [នៅ Man City] នោះគាត់នឹងឈ្នះពាន Ballon d’Or ទី ៧”៕ ប្រភព៖ SportBible