ដំណឹងដ៏ក្តៅគគុកនៅយប់ថ្ងៃទី ២៦ សីហានេះ បានធ្វើឲ្យអ្នកគាំទ្រក្លឹបតោខៀវ Chelsea មានការសាទរជាខ្លាំង ក្រោយពីក្លឹបប្រកាសការចុះហត្ថលេខានាំយកខ្សែការពារ Ben Chilwell ពីក្លឹបកញ្ជ្រោង Leicester City។
កីឡាករអង់គ្លេសព្រមព្រៀងការចុះហត្ថលេខា រយៈពេល ៥ ឆ្នាំជាមួយក្រុមរបស់លោក Frank Lampard ពោលគឺមានថេរវេលាដល់ថ្ងៃទី ៣០ មិថុនា ឆ្នាំ ២០២៥។ តម្លៃផ្ទេររបស់គេមក Stamford Bridge ថ្លៃ ៥៥ លានអឺរ៉ូ ជាប់ឈ្មោះជាខ្សែការពារមានតម្លៃថ្លៃបំផុតលំដាប់ទី ១០ ក្នុងប្រវត្តិសាស្រ្តបាល់ទាត់។
បញ្ជាក់ថាសម្រាប់ Chelsea នេះជាកីឡាករទី ៣ ហើយដែលក្លឹបបានចុះហត្ថលេខានាំយក ត្រៀមចូលរួមលេងនៅរដូវកាល ២០២០/២១ ខាងមុខ។ ក្នុងនោះមាន ២ រូបផ្សេងទៀតដែលល្ហៀងៗត្រៀមនឹងមកដល់ រួមមាន Kai Havertz និង Thiago Silva៕ ប្រភព៖ TransferMarkt