ខ្សែប្រយុទ្ធជួរមុខ Jamie Vardy បានចុះហត្ថលេខាការបន្តកុងត្រាថ្មី ដល់ឆ្នាំ ២០២៣ ជាមួយក្លឹបកញ្រ្ជោងខៀវ Leicester City។
បុរសវ័យ ៣៣ ឆ្នាំនៅតែដើរតួយ៉ាងសំខាន់ សម្រាប់ក្លឹបអង់គ្លេសនៅតំបន់ប្រយុទ្ធ ហើយរដូវកាល ២០១៩/២០ គេរកបាន ២៣ គ្រាប់។ តាមពិតទៅកុងត្រារបស់គេសេសសល់ ២ ឆ្នាំទៀត តែនេះជាកាដូពិសេសពីក្លឹប តបន្ថែមលើកុងត្រាចាស់ឲ្យ ១ ឆ្នាំ។
ប្រាប់នៅបទសម្ភាសន៍ ក្រោយបន្តកុងត្រាថ្មី កីឡាករអង់គ្លេសនិយាយ៖ “វាជាអារម្មណ៍ដ៏ពិសេសមួយ ដែលអាចកំណត់អនាគតរបស់ខ្ញុំជាមួយ Leicester City ម្តងទៀត ដោយខ្ញុំពិតជាចូលចិត្តការលេងបាល់ទាត់នៅមុខអ្នកគាំទ្ររបស់យើងក្នុងកីឡដ្ឋាន King Power Stadium ខ្លាំងណាស់”។
បញ្ជាក់ថា Vardy មកចូលរួមនៅ Leicester តាំងពីឆ្នាំ ២០១២ នៅតម្លៃខ្លួនជាង ១ លានអឺរ៉ូប៉ុណ្ណោះ ហើយគេជាចំណែកដ៏សំខាន់ធ្លាប់ជួយឲ្យក្លឹបឈ្នះពាន Premier League នារដូវកាល ២០១៥/១៦៕ ប្រភព៖ BBC