Leeds United បានយល់ព្រមតម្លៃខ្លួន៣៥លានផោន ដើម្បីទិញយកខ្សែប្រយុទ្ធ Rodrigo ពីក្រុម Valencia ហើយ។
ខ្សែប្រយុទ្ធវ័យ២៩ឆ្នាំខាងលើនេះ នឹងមកពិនិត្យសុខភាពនៅថ្ងៃពុធសប្ដាហ៍នេះ បន្ទាប់ពីក្លឹបទាំងពីរបានយល់ព្រមគ្នាក្នុងតម្លៃខ្លួន៣៥លានផោនកាលពីម្សិលមិញ។ ដោយតម្លៃខ្លួននេះ គឺជាតម្លៃខ្លួនកីឡាករខ្ពស់បំផុតសម្រាប់ក្រុម Leeds United ទិញចូលសម្រាប់ត្រៀមខ្លួនចូលលេងលីគកំពូលអង់គ្លេសឡើងវិញ ក្រោយខកខានជាច្រើនឆ្នាំមកហើយ។
ខ្សែប្រយុទ្ធជម្រើសជាតិអេស្ប៉ាញខាងលើ ជាកីឡាករសំខាន់ណាស់សម្រាប់ក្រុម Valencia ហើយក៏ជាបេក្ខភាពមួយរូបដែលក្រុម Barcelona ចង់បានផងដែរ។ យ៉ាងណាមិញ នៅចុងរដូវកាលកន្លងទៅនេះ រូបគេមិនបានបង្ហាញសមត្ថភាពទេ ដោយសារមានបញ្ហារបួសជង្គង់៕ប្រភព Dailymail