Valverde ៖ ​ក្រុម Barcelona ​នឹង​ទិញ​កីឡាករ​បន្ថែម​ទៀត

Malcom, Clement Lenglet ​និង Arthur Melo ​ត្រូវ​បាន​ចុះ​កុងត្រា​លេង​ឱ្យ​ក្លឹប FC Barcelona ​ហើយ​នៅ​រដូវ​កាល​ដោះដូរ​កីឡាករ​នេះ ប៉ុន្តែ​លោកValverde ​ដែល​ជា​អ្នក​ចាត់ការ​បញ្ជាក់​ថា​នឹង​ទិញ​បន្ថែម​ទៀត។

គ្រូ​បង្វឹក​ដែល​ដឹក​នាំ​ក្រុម Barcelona ​លើក​ពាន​២​រដូវ​កាល​មុន ​បាន​បញ្ជាក់​ថា​ការ​ផ្លាស់​ប្ដូរ​កីឡាករ​និង​កសាង​ក្លឹប​ឱ្យ​កាន់​តែ​ខ្លាំង​បន្ថែម​ទៀត​គឺ​ត្រូវ​នាំ​ចូល​កីឡាករ​ល្អ​ៗ​មក​រួម​ក្រុម។ បើ​ទោះ​ជា​កីឡាករ​បច្ចុប្បន្ន​មាន​សមត្ថភាព​ទៅ​ហើយ​មែន ប៉ុន្តែ​ក្លឹប​នៅ​តែ​ចង់​បាន​កីឡាករ​ថ្មី​មក​បន្ថែម ​ដើម្បី​មក​បំពេញ​ចន្លោះ​ខ្វះ​ខាត។

“មាន​កីឡាករ​ជា​ច្រើន​បាន​ត្រលប់​ចូល​ក្រុម​វិញ ​បន្ទាប់​ពី​ត្រូវ​ក្លឹប​ដទៃ​ខ្ចី​ជើង និង​មាន​កីឡាករ​មក​ពី​ក្រុម B ​ផង​ដែរ។ យើង​ជឿ​ជាក់​ថា​ពួកគេ​នឹង​ជួយ​យើង​បាន​ច្រើន​បន្ថែម​ទៀត​នៅ​រដូវ​កាល​នេះ ប៉ុន្តែ​សម្រាប់​ខ្ញុំ​ប្រហែល​ជា​ត្រូវ​ទិញ​កីឡាករ​បន្ថែម​ទៀត។ យើង​នឹង​ព្យាយាម​កសាង​ក្រុម​ដ៏​ខ្លាំង​ជាង​គេ​មួយ មិន​មែន​ត្រឹម​តែ​ខ្លាំង​១១​នាក់​ដំបូង​ឡើយ គឺ​ខ្លាំង​ទាំង​អស់​តែ​ម្ដង”។ សម្ដី​របស់​លោកValverde៕ប្រភព៖ MARCA

 

 

 

ភ្ជាប់ទំនាក់ទំនងជាមួយ CTS SPORT