« ពួកគាត់ត្រូវការពេលវេលាក្នុងការលេង ព្រោះយើងបានយកគាត់មកលេងជាមួយឈុតធំហើយ ពួកគាត់ត្រូវការពេលលេងយ៉ាងហោចណាស់ពី១០ទៅ២០នាទី ទៅតាមស្ថានភាពការប្រកួតរបស់យើង ។ ខ្ញុំឃើញពួកគាត់មានគុណភាពក្នុងការលេងរបស់គេ ប៉ុន្តែនៅក្នុងចន្លោះពេលណាមួយដូចជានៅពេលក្រុមយើងជោគជ័យ ក្រុមយើងលេងជាមួយក្រុមដែលប្រហាក់ប្រហែល ឬក្រោមយើង យើងអាចដាក់គាត់លេងបាន » ។នេះគឺជាការលើកឡើងរបស់លោក ស៊ុំ វណ្ណាគ្រូបង្វឹកភ្នំពេញក្រោនដែលនិយាយអំពីការផ្ដល់ឱកាសឲ្យយុវជនឡើងលេងឈុតធំ។
« សម្រាប់ការប្រកួតបន្តទៀតយើងនៅតែបន្តដាក់ពួកគាត់ ដោយយើងនឹងរៀបចំដើម្បីឲ្យពួកគាត់បានបង្ហាញ ក៏ដូចជាយើងបានត្រៀមមើលថាតើរដូវកាលក្រោយពួកគាត់អាចជាជម្រើស១១នាក់ ឬកៅអីបម្រុង ហើយយើងក៏សិក្សាមើលថាតើយើងគួរនាំចូលកីឡាករបន្ថែមទៀតឬយើងមានធនធានគ្រប់គ្រាន់ហើយ » ។
« យើងគិតថាឆ្នាំក្រោយយើងនឹងធ្វើរបៀបនេះទៀតមានន័យថាយើងប្រូម៉ូតកីឡាករមកបន្ថែមទៀតដើម្បីឲ្យគាត់មានឱកាសជាមួយឈុតធំ ដូច្នេះយើងមានកំនើនកីឡាករបន្ថែមទៀតដើម្បីជួយក្រុម ព្រោះប្រសិនបើយើងមានគ្រប់គ្រាន់យើង យើងមិនត្រូវការពីខាងក្រៅមកថែមទៀតទេ » ៕