Alphonso Davies ទើបតែឈ្នះពាន UCL ជាមួយក្លឹប Bayern Munich ហើយក៏ជាកីឡាករកាណាដាដំបូងបង្អស់ក្នុងលោក ដែលបានលើកពានរង្វាន់មួយនេះផងដែរ។
ក្រោយចប់ការប្រកួត Davies ក៏ទទួលបានការអបអរសាទរយ៉ាងធំធេងពីនាយករដ្ឋមន្រ្តីប្រចាំប្រទេសកាណាដាលោក Justin Trudeau ដោយសរសេរនៅលើ Twitter ថា៖ “ជាពេលវេលាប្រវត្តិសាស្រ្តមួយ អ្នកបានធ្វើឲ្យពលរដ្ឋកាណាដាមានមោទនភាពខ្លាំងណាស់ អបអរសារទរជាមួយជ័យជម្នះដ៏ធំនេះ, Alphonso!”។
ឆ្លើយតបនឹងសារមួយនេះ កីឡាករវ័យ ១៩ ឆ្នាំក៏បានទទូចស្នើសុំនាយករដ្ឋមន្រ្តីបែបនេះវិញថា៖ “ពិតជាអរគុណណាស់នាយករដ្ឋមន្រ្តី Justing Trudeau! តែខ្ញុំអាចសុំត្រលប់ទៅប្រទេសកំណើតវិញរយៈពេល ១ សប្តាហ៍បានទេ”។
បញ្ជាក់ថានេះជាសំណើពិសេសមួយ ព្រោះកំឡុងស្ថានភាពជំងឺ COVID-19 ការហោះហើរទាំងឡាយគឺត្រូវបានផ្អាកហើយ អ៊ីចឹងយើងនឹងរង់ចាំមើលចម្លើយពីប្រធានាធិបតីកាណាដាទាំងអស់គ្នា៕
ប្រភព៖ AF